عجوز تزعج شاب بالجـوال ( الكل يدخل يمكن تسير فيكم)
أرجوا من الأخوة والأخوات قراءة هذة القصة المؤلمة
وأخذ العبره منها .ومن يستطيع نشرها..فلا يتأخر..
كنا في الاستارحه مع الشباب ورن جوال صاحبنا ف.ع
رد على الجوال ووجه معصب ومدري كيف
رد على الي داق عليه
مهوب الحين
قلت لك مهوب الحين
لقد قلت لك مو الحييييييين
وبكذا استمر الكلام وحنا فكرنا انه يكلم خطيبته او اخته
ولما سكر قال والله هذي ام الحاله وام النشبه ازعجتنا
هلعجوز ....!!!
تعرفون مين هذي العجوز هذي امه .....لاحول ولا قوه الا بالله
اخيه عليه امه ما قال لها سمي او من الكلام هذا
سكت وسكتو الزملاء الموجودين والا ما وعينا من الصدمه الي جتنا الا صاحبنا م.خ
دموعه على خده ولا ندري وش سالفته
طالعنه كلنا وبستعراب مثل ما قالو دمعه الرجال موهينه
لما شافنا نطالعه ونواسيه قال:
ليتني شفت امي وحبيت راسها
وليتها حية لتزعجني
وعشان اقول لها :
سمي
الذي يرضيك
صاحبنا الأول ف.ع وجه صار احمر و انحرج وحاول يدافع عن نفسه
فتكلم المجلس كله دفعة واحدة وقالوا :
اخس واقطع!!!
لا تتكلم ولا بكلمة ما لك أي عذر
اذهب لأمك وحب راسها وودها او عطها الشي الي تبيه
صديقنا الي بكى امه توفت يوم ولدته فورا...
يعيش حياته بتعب ومر ومرض
كبر وهو في هم وغم ويسمع اصحابه الصغار يقولون :
أمي قالت
أمي تقول
بروح لأمي
الا هو ما يقدر يقول
بركان داخله ينفجر ويبكي في زوايا البيت بكى مر
كبر وكبرت معه همومه
يسمع اصحابه يقولون حق امهاتهم :
آمري آمر
الله يحييك على طاعته
إذا دقت ترك الدنيا عشانها
في وقتها صاحبنام.خ ينشق
وبغى ينفجر من البكى
أخواني أخواتي بروا بأمهاتكم
واستغلوا فرصة وجودهم لتحيوا معهم
حياه ملؤها الحب والحنان .. فما أجمل حياتك وأنت بار بوالديك .
وأكسبوا رضاهم لتهنؤا بحياتكم .. ويبارك لكم الله بذريتكم .
أمـــك ثم أمـــك ثم أ مـــك ثم أبـــوك ....صدق رسول الله
الله انا نسالك ان تغفر لوالدينا ووالدي والدينا وللمسلمين والمسلمات الاحياء منهم والاموات
اللهم ربنا أجعلنا ممن بر بوالديه فكانا سببا في نجاته برضاك ربي
اللهم أجعلنا ممن احسن اليهما حين يبلغا الكبر وان نخفض لهما جناح الذل من الرحمة
وان نرحمها يا رب العالمين
اللهم آمين
الله ينفع بها..كل من يقرأها
والله يجعل امهاتنا طائعات لله
لأجل نطيعهن